Monday, April 02, 2007
Let's Fishing!!
1/4 (日)
今日約咗阿Fung 一早入屯門同我啲friend 打波, 大約12:00, 班波友打到全身散晒之後, 阿Fung 就諗住上我屋企沖涼, 因為我地約好一齊去睇魚竿, 我都唔知抽邊條筋, 無啦啦想玩釣魚, 所以阿Fung 就係尋晚揾晒資料睇吓邊到有得買.. 點知, 行返屋企嘅途中已經有兩間啦.
沖完涼食埋飯之後, 我地就係置樂一間賣釣魚用品嘅鋪頭買咗魚竿, 魚鉸, 鉛, 魚絲, 魚勾同蟲做魚餌.. 老闆娘滔滔不絕咁同我地介紹之後, 由於人客多, 老闆娘就叫咗條"老嘢" 教我地點綁魚釣, 點知條粉腸靠膽死攞個背脊"得" 住我地, 自己綁,綁好之後同我地講, 你照住呢個綁就得啦.. 嘩!! 你今日飲咗未呀? ( 係藥水!!) .. 佢都痴痴地!! 好彩, 係鋪頭另一個男仔教我地點綁!!
買蟲嘅時候, 我地買咗10 蚊, 老闆娘同我地講點勾蟲, 講講吓, 摸完啲蟲跟住又摸自己個頭... SHIT !! 你都好核突啫!!
買完晒嘢之後, 我地行去三聖個石灘到處女下海..
今日天氣好好, 唔係太曬, 而且仲有風, 面對大海, 聽住海浪聲, 靜靜地釣魚都真係幾舒服...
我地揾咗個靚位, 係所有嘢整好晒之後, 阿Fung 大力一揮, 魚絲飛到老遠, 但係水流令魚絲漂返返來, 之後仲勾住啲石..佢大聲"頂"咗一句之後, 就剪晒啲嘢再重新裝過 , 係佢剪緊嘢嘅時侯, 我就大力一揮, 魚絲飛得唔遠, 所以我就慢慢收返條絲, 點知收收吓..............
1/4 (日)
今日約咗阿Fung 一早入屯門同我啲friend 打波, 大約12:00, 班波友打到全身散晒之後, 阿Fung 就諗住上我屋企沖涼, 因為我地約好一齊去睇魚竿, 我都唔知抽邊條筋, 無啦啦想玩釣魚, 所以阿Fung 就係尋晚揾晒資料睇吓邊到有得買.. 點知, 行返屋企嘅途中已經有兩間啦.
沖完涼食埋飯之後, 我地就係置樂一間賣釣魚用品嘅鋪頭買咗魚竿, 魚鉸, 鉛, 魚絲, 魚勾同蟲做魚餌.. 老闆娘滔滔不絕咁同我地介紹之後, 由於人客多, 老闆娘就叫咗條"老嘢" 教我地點綁魚釣, 點知條粉腸靠膽死攞個背脊"得" 住我地, 自己綁,綁好之後同我地講, 你照住呢個綁就得啦.. 嘩!! 你今日飲咗未呀? ( 係藥水!!) .. 佢都痴痴地!! 好彩, 係鋪頭另一個男仔教我地點綁!!
買蟲嘅時候, 我地買咗10 蚊, 老闆娘同我地講點勾蟲, 講講吓, 摸完啲蟲跟住又摸自己個頭... SHIT !! 你都好核突啫!!
買完晒嘢之後, 我地行去三聖個石灘到處女下海..
今日天氣好好, 唔係太曬, 而且仲有風, 面對大海, 聽住海浪聲, 靜靜地釣魚都真係幾舒服...
我地揾咗個靚位, 係所有嘢整好晒之後, 阿Fung 大力一揮, 魚絲飛到老遠, 但係水流令魚絲漂返返來, 之後仲勾住啲石..佢大聲"頂"咗一句之後, 就剪晒啲嘢再重新裝過 , 係佢剪緊嘢嘅時侯, 我就大力一揮, 魚絲飛得唔遠, 所以我就慢慢收返條絲, 點知收收吓..............
係啦.. 係你啦!!!
我用力一拉, 有魚上釣.. 我慢慢轉個魚鉸, 魚絲收完就見到一條小魚"發吓發吓" 飛咗出來啦!! 可惜未埋到我手, 佢就跌咗係石灘, 基於安全理由, 我地唔落去執返佢啦..
之後轉咗第二個位, 釣多一個鐘左右我地就收嘢走人啦..
今日結果就係 2:2 和氣收場!
¶ 12:31 AM 之後轉咗第二個位, 釣多一個鐘左右我地就收嘢走人啦..
今日結果就係 2:2 和氣收場!
