今焦新聞
LongChamp 尋日同Leona 走左去銅鑼灣食飯, 嗰間嘢叫印尼餐廳, 啲嘢食都ok la. 但個賣相同價錢就嘛嘛啦.. -__-"之後我地去行街, 主要係睇袋, 我地去左Sogo, 金百利, 銅鑼灣地帶.. 發覺都係金百利係最平最多款, 格晒價之後, 終於係 金百利三樓買左個橙色LongChamp, 都幾好睇呀~~ Leona你就好啦.. 有新袋用~之後係G2000 行左陣, 買左件裇衫就返屋企啦~
考完日文, 心情輕鬆
呢兩日忙都死死吓.. 都唔得閒打日記.. 今日終於好啲啦..
Wendy: 轉左個施文Look 咪幾好睇囉.. 唔洗吓吓都著 "老牛" 嘅~~ 尋日超康一早打電話來叫醒我, 叫我落去打波, 話唔夠人喎.. 好啦.. 陪你地癲吓囉.. 落去打個半鐘就走.. 點知落到去只係見到阿樽坐係到打機, 超康係度講電話, 恆仔就攞住把掃把掃走地面上的水氹.. 過左10分鐘後, 恆仔好唔耐煩..叫超康收線打波, 點知超康條友仔繼續講, 恆仔見到咁咪發脾四攞嘢走囉.. 跟住就落起雨啦.. 唉.. 超康又係嘅.. 成日都講電話.. (事後先知佢同條女嘈緊.. ) .. 又難怪恆仔嬲嘅, 佢由荃灣山長水遠入來睇你講電話.. 無雨等到落雨.... 哈哈.. 我就無咩所謂啦.. 可以一早温書..尋晚要考HKU SPACE 嗰日文試, 所以成日都乖乖地留係屋企到温書.. ( 但係唔知合唔合格啦...)