今焦新聞
HP 最後一週..
30 Sep (六)同Leona去咗睇AT17, 個氣氛幾好, 入場前仲有隻CD 送, 好多人都睇到企係身一齊玩.... 我就成尊佛咁坐咗係度.. 所以Leona 話我呆呆滯滯咁.. 唔投入喎... 睇到11:00pm 係唱最後一首歌時我地早走咗, 平時我會睇完成個Show 先走, 但今次唔同喎... 係博覽館睇..所以一散場, 所有人一齊走嘅話..咁走大鑊啦...1 Oct (日)國慶當日, 我, Leona, Cindy, 阿Lung 同 Maggie 去咗東薈城行Outlet.. 去之前就同Agnes & George 係葵芳唱 K, 東薈城入面全部都係Outlet, 行咗咁多間, 只係係 E-sprit 買咗條褲.. 結果行到8:00pm 就出咗青衣Pizza Hut 醫肚.. 5 Oct (四) 第一次Hp 籃球隊練波...我只有一個印象---- 雜碎!!!6 Oct (五)今日係中秋, 同自己team 食team lunch (Farwell 飯) , 去咗鯉景灣食..都唔錯!! 下午就叫Florence 同我一齊去買散水餅..由於係中秋節, 所以好多人都早走咗..我同Eva 留到5:30pm ,因為佢要等我清好晒所有嘢. 到走嗰一刻交返個職員証時,個感覺真係唔係咁好..雷sir 仲叫我走嗰時唔好拎返轉頭... 咁就完咗6年的Hp 生涯...夜晚要返屋企做節, 啦啦聲食, 食完就出返去揾Leona .. 諗住俾個驚喜佢, 但都係佢都係保持一貫作風.. 平淡, 唔係特別驚喜, 但都係開心卦... 行咗陣, 坐吓傾吓計, 之後我就去揾我啲friend 啦~7 Oct (六) 今日約咗Leona 去赤柱, 所以一早學完車,就係銅鑼灣行吓先, 結果去咗玩具反斗城買咗兩架Tommy 車玩... 終於等到Leona , 我地就坐小巴入去, 以為都係行吓之嘛, 點知都買到嘢, 我用$130 買咗件軍褸, Leona 都買咗件褸, 可以返工.. 都幾靚架...8 Oct (日)今日無咩特別, 只係夜晚代表Hp 打場波, 結果梗係慘敗...-__-"
散水飯行程表
上星期係我係HP 嘅最後一個星期, 由於公司趕住要人的原因,所以我走都係唔足一個月...係HP 咁多年,唔多唔少都識到啲人,所以成個星期都有Free Lunch ...
星期二同Idy 佢地係翠晶軒食, 佢地不停咁問我新公司係邊間,我死都唔講.. 星期三同Ivan 佢地係中環某酒樓食,咁次佢地又無問我係邊間做..只係大家傾吓計
星期四就同reception & mail room 食盤菜,係大家樂要咗個細盤同一煲翅, 估唔到又真係好味喎..
星期五就同自己team 食啦..去咗鯉景灣食..