今焦新聞
Wednesday, October 08, 2008
數碼港+華富邨
今日係重九, 我同Leona 又再四圍去.. 呢次就遠囉.. 深入香港南區- cyberport ..
老實講, cyberport 無咩好睇, 得個shopping mall 叫 Arcade.. shopping mall 入面得間玩具鋪..其餘係無人幫襯嘅食市.. 好彩!! cyberport 有個海濱長廊.. 有個草地公園, 好多人係度放狗釣魚, 都幾舒服架.. 令我印象最深刻嘅唔係呢啲嘢喎.. 而係座落係貝沙灣嘅Residence Bel-Air.. 點解? .... 每個單位拿起手都成千萬... 有個仲成三仟五佰萬喎!! 係入面住啲人出親來到拖住隻牛咁大嘅狗, 一唔係就成5 , 6 隻狗仔.. 無幾千尺點養得咁多狗呀 ??
華富邨
羨慕完一輪後就坐73號去華富邨啦.. 華富邨同貝沙
灣相距2分鐘車程, 但係感覺完全唔同.. 係大眾化嘅屋邨.. 起碼無人拖隻牛出街先!! 原來華富邨已經有成
40 年歷史啦, 而且仲有"海景公屋"嘅美譽.. 啲屋好得意架, 依山而建.. 入口係係樓嘅中間, 所以你一入去可能已經係8樓!! 真有趣....聽講係198x 年仲有人係華富鄒見到 UFO 喎~
我地影咗一陣相就去咗買六合彩, 坐返970 出旺角食豬骨煲就返屋企啦~~
P.S 張六合彩中咗呀!! ..................... $20
(啲張係用wendy 部機影架.. 都好清喎!!) ¶ 4:37 PM 4 comments
今日係重九, 我同Leona 又再四圍去.. 呢次就遠囉.. 深入香港南區- cyberport ..
老實講, cyberport 無咩好睇, 得個shopping mall 叫 Arcade.. shopping mall 入面得間玩具鋪..其餘係無人幫襯嘅食市.. 好彩!! cyberport 有個海濱長廊.. 有個草地公園, 好多人係度放狗釣魚, 都幾舒服架.. 令我印象最深刻嘅唔係呢啲嘢喎.. 而係座落係貝沙灣嘅Residence Bel-Air.. 點解? .... 每個單位拿起手都成千萬... 有個仲成三仟五佰萬喎!! 係入面住啲人出親來到拖住隻牛咁大嘅狗, 一唔係就成5 , 6 隻狗仔.. 無幾千尺點養得咁多狗呀 ??
華富邨
羨慕完一輪後就坐73號去華富邨啦.. 華富邨同貝沙
灣相距2分鐘車程, 但係感覺完全唔同.. 係大眾化嘅屋邨.. 起碼無人拖隻牛出街先!! 原來華富邨已經有成
40 年歷史啦, 而且仲有"海景公屋"嘅美譽.. 啲屋好得意架, 依山而建.. 入口係係樓嘅中間, 所以你一入去可能已經係8樓!! 真有趣....聽講係198x 年仲有人係華富鄒見到 UFO 喎~ 我地影咗一陣相就去咗買六合彩, 坐返970 出旺角食豬骨煲就返屋企啦~~
P.S 張六合彩中咗呀!! ..................... $20
(啲張係用wendy 部機影架.. 都好清喎!!) ¶ 4:37 PM 4 comments
Monday, October 06, 2008
南生圍尋晚玩得太夜, 所以今日瞓到成1:00pm先起身... 尋晚係同阿Fung 講開影相, 佢話見到個friend 係南生圍影啲相好靚, 咁我地就約咗今日入去探吓路..
星期日3:00pm..
F: 點啊? 咁點呀?
P: 我呢邊落雨喎..
F: 咁點呀?
P: 下次先囉... 落雨都做唔到咩
F: 哦...咁好啦..
係我開機打緊AOC 時....
F: 都係入去啦.. 都係想試吓條路下次再入去啫..
P: 哦...我無所謂...咁你幾點入到來
F: 我同阿Yan 食完嘢先, 你預半個鐘啦
P: 好啦... 4:00pm 係我樓下等啦..
F: 唔...
Do...Do....(收線聲.....)
一個鐘頭後阿Fung 架車已經係南生圍啦.. 天色就唔多好.. 落住微微雨..但係無理由來到唔落去行吓架嘛.. 我地三個就右手攞 "遮" 左手攞相機行入去睇吓嘢影吓相.. 兩旁有啲好高嘅樹形成咗條睇唔見盡頭嘅隧道...空氣清新.. 感覺唔錯架!! 攝影行動開如咗無幾耐, 突然天色驟變..我地三個拿拿淋返上車, 好彩唔係行得好遠, 好快就上返車啦..
坐係車入面開住冷氣睇吓相, 望住出面咁大雨又真係另有一番風味!! 阿Fung 話我黑心.. " 你係車緊係好啦! 出面淋雨嘅人好慘架!! " .. "我唔係話要睇住其他人淋雨開心, 係睇住落雨個境啫!! " ..
坐咗15 分鐘, 我地就開車走人.. 阿Fung 沿途慢駛睇吓有咩特別嘢.. 行咗一陣, 怪事就發生啦....
我地見到有一對情侶攞住把"遮" 係滂沱大雨之下向我地揮手..你知啦.. 我地係一等一嘅好人嘛.. 咪俾佢地上埋車囉.. 佢地見我地停車不知幾開心.. 兩隻落湯雞上車後先知佢地係諗住行返出去.. 我當時打咗個冷陣.......心都寒埋... 心諗: " 唔係呀!! 我地坐車入來都成10分鐘喎... 你地係咁嘅環境底下行出去.. 會死架喎!!.. 俾你出到去都係高速公路, 點截車呀?? " .... 睇見佢地雨個陣騰騰咁...唔知佢地知道條路咁長唔知有咩諗法囉!!
最後我地車佢地返到去屯門市中心就Bye Bye .. 我同阿Fung 阿Yan 又返返去元朗食壽司..之後先返屋企!! ¶ 9:34 AM 4 comments
Sunday, October 05, 2008
祖堯邨
今日約咗Leona 係荃灣睇"畫皮", 由於我一向都唔會睇故事大網同評論先決定睇咩戲, 所以唔知係咩水做, 後來先知係周迅同趙微..大家唔好誤會呢套係咩係恐怖片喎. 其實佢係一套百份百嘅愛情片.. 劇情唔多講啦.. 故事一般, 但都唔錯嘅....
睇完戲之後我地去咗圖書館借咗本書叫 "香港攝影熱點王" , 睇吓放假有咩地方可以去吓咁.. 之後就買餸返屋企煮飯仔, 我地今日試吓阿So 教過嘅苦瓜炒牛肉 同 蕃茄
煮蛋 .. 係廚房舞咗成個鐘, 最後都係失敗咗.. 唔緊要啦 !! 下次再來過.. 食完飯同阿媽細妹打咗四圈麻雀仔就送Leona 返屋企囉~
送完Leona 返屋企, 我就打俾阿Fung 睇吓佢係邊, 原來佢同班舊同學食緊飯, 話要1:00am 先返到屋企喎.. 我睇睇錶, 嗰陣都只係12:00,. 嘩!! 要等成粒鐘.. 都有啲難度喎.. 咁我就膽粗粗自己試吓兜去祖堯邨影吓貨櫃碼頭啦...其實主要都係試機, 唔知唔覺就影咗成50 幅啦!!
大約1:30am 左右, 阿Fung 同阿Yan 就到咗啦.. 我地係祖堯傾咗陣計就落返荃灣老麥食嘢.. 3:30am 左右先返到屋企 ~~ zzzz ZZ ZZZ ¶ 8:56 PM 5 comments
