今焦新聞
Monday, September 11, 2006
一年了.. 天雨路滑上星期六係我同Leona 大好日子.. 哈哈.. 一週年紀念.. 咁當然要好好慶一慶啦.. 所以係 7/9 就order 咗扎花送去佢公司啦.. 結果嚇得佢又驚又喜... 不枉我一番心機.. keke
9/9 當日我地就約好係中環等.. 因為我地要做一日自由行-- 上山頂..
一早起身, 發覺細妹攞走咗部相機.. 死啦!! 咁就拿拿聲打俾阿Fung 求救..
Leona 就負責去揾阿Fung 攞相機, 我就早啲出去睇吓有咩車上去... 結果我地坐咗30mins 巴士上山頂.. 我地先
上最高個層睇風景..因為實在太大風啦.. 所以影咗幾張相就走返入商場..之後去香港絕咗種嘅Burger King 食個Tea..嘆完個Tea, 我地就入蠟像館..每人$120, 但兩個大人就平$10 仲有本書送.. 我地係入面係咁影相, 所以阿Fung 部相機係30mins 內就無晒電啦.. 好彩好彩... 我部iPAQ 就係呢個時侯顯示佢嘅實力..
玩到6:30pm 我地就搭小巴落返去中環碼頭.. 再"行"去天星碼頭搭船過尖咀食晚飯.. 我地訂咗 Peninsula 一餐Buffet ..Main course 有四款任你選擇, 頭盤同甜品就自己攞.. 啲嘢食都唔錯.. 主要都係食氣氛啦.. 食食吓Leona 就送份禮物俾我.. 係一件衫同一半相簿, 本相簿個Cover 仲係佢自己design 啦.. 非常鍾意!! 而我就送咗隻錶俾佢....
食完飯, 我地係海旁雨中漫步咗一陣就返屋企啦...
唔經唔覺已經跟你一起一年了.. 多謝你一年來的容忍與支持....... ¶ 10:54 AM 5 comments
