Sunday, April 15, 2007
台灣行 (最終回)
今日嘅感覺有啲怪怪咁.. 一來係可以返香港, 二來又係代表旅行完結之時..
我地起咗身, 撿好行李之後就落reception到 check out 啦. 寄存好行李, 我地就出發去第一個目的地.. 由於今日我地要撘6:00pm 飛機返香港, 計計埋埋都只係得半日多啲.. 所以只有兩三個景點同買啲手信咁啦...
阿默蛋糕
聽細妹講, 阿默蛋糕味道唔錯, 叫我買啲返去, 起初諗住係附近食埋早餐先, 但係可能太早啦, 都無咩食市開咗.. 開咗嘅都係啲連鎖店, 我睇過本書話呢度有間好食嘅牛肉麵, 所以都同Leona 花咗少少時間去揾吓.. 行咗一陣就聞到一陣濃郁嘅牛肉味, 見到有個女人係度煮緊牛肉湯, 啱啱諗住入去嗰時, 個女人就話未得呀, 11:30am先開門.. oh.. 睇睇錶, 都只係11:00am, "等好定唔等好呢??" .. 我知Leona 都好肚餓啦, 所以決定唔等, 撘車落西門町食嘢囉...
西門町
鴨肉扁
來到西門町, 第一件事就係醫咗個肚先, 我地第一個 "食點" 係鴨肉扁, 其實食嘅唔係鴨肉而係鵝肉, 但係就唔知點解叫鴨肉扁...奇奇怪怪....我地叫咗個"鴨肉", 鴨腎 同個米粉, 果然好味喎..
但係都唔食咁多啦.. 因為仲有其他好食嘅嘢等住我地..
阿宗麵線
轉個角就到咗阿宗麵線啦.. 其實我之前食過架啦.. 但係覺得唔係咁好味.. 今次都係諗住俾Leona 試吓啦.. 所以叫咗碗細嘅企係街食.. 一食落口... 啊!! 今次啲味好似唔同喎.. 幾好味喎.. 可能上次係飽肚食, 今次係空肚食, 所以感覺唔同卦....
傳奇奶茶
食咗兩樣嘢, 都係時候飲返杯嘢啦.. 來台灣梗係飲珍珠奶茶啦, 傳奇係一間珍珠奶茶連鎖店, 但係味道係都唔錯架.. 奶茶夠香夠滑, 珍珠又彈牙, 味道略甜, 啱晒我口味.. 我地要咗一杯中size 嘅一齊飲..
魷魚焿
係
台灣成都都見到 "焿"字, 但係又唔知點讀, 唔知係咩.. 所以就入咗間小食店, 叫個魷魚焿試吓啦, 都幾好味.. 有啲似香港咩碗仔翅, 但係係魷魚味囉..
老天祿
食飽之後, 我地就開始買手信啦.. 係西門町當然係買鴨舌啦, 我同Leona 都買咗一百蚊左右, 我諗都係得廿幾隻.. 但係都夠啦.... 小食多滋味嘛..
圓山
維格焙烘
Leona 就最鍾意食維格嘅綠豆糕啦..所以維格當然係唔少得嘅景點啦.. 所以我地坐捷運離開西門町, 去到圓山站揾維格... 去到圓山站行10分鐘左右就到啦.. 起初諗住買兩三盒就收夠籌.. 點知Leona 話要幫朋友買芝士蛋糕.. 話係細細條.. 咁都無所謂.. 點知佢話要買三十條... 我一睇..嘩!! 咁即係買晒成盆??? 個職員都呆咗....跟住就幫我地pack 箱啦...我地自己都要咗四條.. 又真係好好味喎!! 由於太多嘢啦.. 所以我地決定
坐的士返酒店...
返到酒店, 攞返啲行李就係酒店門日等飛狗啦... 等咗20分鐘都未見有, 前面兩個男仔就問我地一齊坐的士去機場好唔好.. 原來佢地早我地一班機, 所以有啲驚.. 梗係啦.. 睇睇錶, 都已經係4:00pm啦.. 佢地坐 5:30 機.. 都唔係仲有好多時間.. 好彩, 佢地都未問完, 架飛狗就來啦.. 上咗車, 以為可以安安樂樂點知架車係高速公路上爆軚.. 個司機 call 車來接我地, 但係都等多咗成半粒鐘啦..
去到機場都已經5:20pm .. 點知我地仲俾個司機"老點" 咗係Terminal 1 落車.. 頂.. 我地跑去坐接駁巴士去Terminal 2 .. 一出去, 見到架車埋站.. 後來先知嗰架已經係最後一班啦.. 真係好彩!! 去到counter check in... 但係我地太遲啦, 所以一陣係飛機要分開坐, 都無法啦.. 可以上到機都算係咁啦..
就係我地衝衝忙忙嘅情況下就不知不覺咁為我地台灣旅行畫上句號... ¶ 1:15 AM
今日嘅感覺有啲怪怪咁.. 一來係可以返香港, 二來又係代表旅行完結之時..
我地起咗身, 撿好行李之後就落reception到 check out 啦. 寄存好行李, 我地就出發去第一個目的地.. 由於今日我地要撘6:00pm 飛機返香港, 計計埋埋都只係得半日多啲.. 所以只有兩三個景點同買啲手信咁啦...
阿默蛋糕
聽細妹講, 阿默蛋糕味道唔錯, 叫我買啲返去, 起初諗住係附近食埋早餐先, 但係可能太早啦, 都無咩食市開咗.. 開咗嘅都係啲連鎖店, 我睇過本書話呢度有間好食嘅牛肉麵, 所以都同Leona 花咗少少時間去揾吓.. 行咗一陣就聞到一陣濃郁嘅牛肉味, 見到有個女人係度煮緊牛肉湯, 啱啱諗住入去嗰時, 個女人就話未得呀, 11:30am先開門.. oh.. 睇睇錶, 都只係11:00am, "等好定唔等好呢??" .. 我知Leona 都好肚餓啦, 所以決定唔等, 撘車落西門町食嘢囉...
西門町
鴨肉扁
來到西門町, 第一件事就係醫咗個肚先, 我地第一個 "食點" 係鴨肉扁, 其實食嘅唔係鴨肉而係鵝肉, 但係就唔知點解叫鴨肉扁...奇奇怪怪....我地叫咗個"鴨肉", 鴨腎 同個米粉, 果然好味喎..
但係都唔食咁多啦.. 因為仲有其他好食嘅嘢等住我地..阿宗麵線
轉個角就到咗阿宗麵線啦.. 其實我之前食過架啦.. 但係覺得唔係咁好味.. 今次都係諗住俾Leona 試吓啦.. 所以叫咗碗細嘅企係街食.. 一食落口... 啊!! 今次啲味好似唔同喎.. 幾好味喎.. 可能上次係飽肚食, 今次係空肚食, 所以感覺唔同卦....
傳奇奶茶
食咗兩樣嘢, 都係時候飲返杯嘢啦.. 來台灣梗係飲珍珠奶茶啦, 傳奇係一間珍珠奶茶連鎖店, 但係味道係都唔錯架.. 奶茶夠香夠滑, 珍珠又彈牙, 味道略甜, 啱晒我口味.. 我地要咗一杯中size 嘅一齊飲..
魷魚焿
係
台灣成都都見到 "焿"字, 但係又唔知點讀, 唔知係咩.. 所以就入咗間小食店, 叫個魷魚焿試吓啦, 都幾好味.. 有啲似香港咩碗仔翅, 但係係魷魚味囉..老天祿
食飽之後, 我地就開始買手信啦.. 係西門町當然係買鴨舌啦, 我同Leona 都買咗一百蚊左右, 我諗都係得廿幾隻.. 但係都夠啦.... 小食多滋味嘛..
圓山
維格焙烘
Leona 就最鍾意食維格嘅綠豆糕啦..所以維格當然係唔少得嘅景點啦.. 所以我地坐捷運離開西門町, 去到圓山站揾維格... 去到圓山站行10分鐘左右就到啦.. 起初諗住買兩三盒就收夠籌.. 點知Leona 話要幫朋友買芝士蛋糕.. 話係細細條.. 咁都無所謂.. 點知佢話要買三十條... 我一睇..嘩!! 咁即係買晒成盆??? 個職員都呆咗....跟住就幫我地pack 箱啦...我地自己都要咗四條.. 又真係好好味喎!! 由於太多嘢啦.. 所以我地決定
坐的士返酒店...返到酒店, 攞返啲行李就係酒店門日等飛狗啦... 等咗20分鐘都未見有, 前面兩個男仔就問我地一齊坐的士去機場好唔好.. 原來佢地早我地一班機, 所以有啲驚.. 梗係啦.. 睇睇錶, 都已經係4:00pm啦.. 佢地坐 5:30 機.. 都唔係仲有好多時間.. 好彩, 佢地都未問完, 架飛狗就來啦.. 上咗車, 以為可以安安樂樂點知架車係高速公路上爆軚.. 個司機 call 車來接我地, 但係都等多咗成半粒鐘啦..
去到機場都已經5:20pm .. 點知我地仲俾個司機"老點" 咗係Terminal 1 落車.. 頂.. 我地跑去坐接駁巴士去Terminal 2 .. 一出去, 見到架車埋站.. 後來先知嗰架已經係最後一班啦.. 真係好彩!! 去到counter check in... 但係我地太遲啦, 所以一陣係飛機要分開坐, 都無法啦.. 可以上到機都算係咁啦..
就係我地衝衝忙忙嘅情況下就不知不覺咁為我地台灣旅行畫上句號... ¶ 1:15 AM
