Sunday, April 01, 2007
台灣行 (二)
18/3 (雨)
起咗身後，寄存咗我地啲行李係飯店之後, 我地就急急腳搭的士去台北車站啦.. 點解? 因為我地今日要坐
高鐡(高速鐡路)落台中玩一日..
我係第一次撘高鐡, 感覺都唔錯, 又快又乾淨, 有啲車箱
仲有得買嘢食tim... 由台北到台中只係要60分鐘左右, 起初都怕悶架.. 但上咗車後唔經唔覺就到咗台中火車站囉.. 行車時安靜又穩定.. 唔錯唔錯!! 係車入面仲有個伯伯主動問洗唔洗幫我地影相.. 原來台灣人都幾有人情味!!
到咗台中之後我地係車站大堂左望右望都見唔到我地今日嘅主角( Leona 嘅朋友) - 小湯!
我地等咗幾分鐘都唔見佢就諗住走落下一層打電話睇吓佢係邊. 點知一落樓梯就見到一個老老實實嘅男仔伸咗個頭出來.. 然後就聽到Leona 哂左句, " 原來你係度" ( 請用國語講出..) ..
啊...佢就係小湯呀......
我都係第一次見佢啦.. 係我幻想入面, 小湯係一個黑黑實實, 染金頭髮兼有一身時髦衣著嘅台灣現代男.. 點知又一次証明咗幻想同現實係兩回事.. 不過, 真實嘅小湯反而俾我一種平易近人嘅感覺..
小湯首先車我地去食早餐, 佢帶咗我地食台中地道早餐 - 蛋餅同豆槳, 蛋餅其實好似班戟但入面係肉鬆.. 味道都唔錯. 之後就去咗小湯屋企參觀吓, 我諗小湯都幾有錢, 因為佢屋企個屋園係要用遙控開閘, 架車先可以入去, 電視睇得多啦, 真實都係第一次見..
入到屋, Leona 就話要睇小湯嘅真藏, 原來小湯係一個飛機迷.. 書房入面有個玻璃櫃尃放飛機. 之後我地坐一陣, 影咗兩張相就走咗啦 .. 事後Leona 話我知間屋係佢架(已經買咗啦) .. 嘩!!!!!
我地今日有兩個行程, 第一個係一個叫集集嘅舊火車站, 第二個係一個酒廠..
集集火車站
我地架車係一條又一條嘅高速公路上飛馳後.. 不經不覺已經坐咗個幾鐘啦... 沿途小湯同Leona 不停咁傾計, 我就坐係後座聽佢地講咩.. 小湯不停咁同我地介紹台中嘅事, 而我地最有興趣嘅就係檳榔同檳榔西施..原來台
灣政府已經禁止人民種檳榔樹, 點解? 原來檳榔樹同一般嘅樹唔同, 一般樹嘅樹根係可以爪住泥土, 令土地結實啲, 但檳榔樹就無呢個用途啦, 反而令到土壤變得鬆散, 當地震時就大鑊啦.. 震兩震就順手來個山泥傾瀉.. 所以政府先禁止種檳榔樹. 不過政策歸政策, 我地沿途都仲見到一片又一片嘅檳榔樹林..而檳榔西施我地就見唔到啦..東施就有好多.. 我睇電視節目介紹都唔係咁架喎, 佢地會著得好性感問人要唔要買檳榔, 但係我見到個幾個都好似發冷咁樣, 差在未著皮草啫!!
小湯同我地講, 佢有
一次係台南一個落後啲嘅地方真係見到一個身上只係披住件薄紗嘅女仔叫人同佢買檳榔!!!!!!!! 小姐你賣檳榔定賣淫呀?
集集係一個舊火車站, 但係佢仲有火車行駛, 不過一日可能只有兩三次, 所以好多人都會走落路軌影相, 我地當然唔會放個呢個機會啦.. 影完相就去玩攤位遊戲, 小湯每次都爭住俾錢, 但當地人又真係次次都收佢啲錢唔收我地啲架喎.. 唔通佢地識得小湯?? 午餐我地叫咗炸雞排,燒豆腐同蔗汁.. 集集真係幾舒服架, 空氣又清新, 可惜行咗一陣又開始落雨... 咁我地唯又上返車去下一站 - 埔里酒廠
埔里酒廠
我望一望錶, 已經2:00pm 啦, 由於我地原定6:30pm 要搭車返台北, 所以都有啲擔心, 但小湯話順路, 咁我地就決定去埋先啦, 最多咪坐7:30
pm 班車, 係架車行咗30 分鐘都見唔到一間好似酒廠物體嗰一刻, 我就知大鑊啦.. 原來小湯都唔係好識路, 所以左轉右轉都揾唔到, 問個阿伯, 佢手指指, 又講咗幾句, 咁我就知佢唔知酒廠係邊度啦. 之後又行咗一陣, 就問個阿嬸,睇佢傻頭傻腦就知佢又唔知啦.. 再行一陣, 見到個可愛嘅小妹妹就問吓佢, 果然, 大家都係後生仔...係唔同啲! 
酒廠無咩特別, 地方都唔算太大, 係大地震之後酒廠就咩都無晒, 之後就唔再出酒啦, 而家嘅面貌都係地震後重建而且改成為博物館, 我地行完咗酒館之後 ( Leona 試晒所有嘢食同酒, 啲酒淳度太高啦, 成20%喎, 佢飲唔落), 買咗酒蛋, 腸仔同xo 醬就起程返台中車站囉..
再睇一睇錶, 已經係6:30pm, 小湯開行架車, 最後我地係 7:15pm 到台中火車站(距離開車時間只有9分鐘), 我叫Leona 行快兩步去售票處買飛先, 我離遠見佢同個售票員講咗幾句之後, 面如死灰, 就知我地趕唔切啦..要等下一班車,即係要係車站呆等一個鐘.... (-_-") (-_-")
我平心靜氣想走埋去安慰佢, 同佢講 "等多個鐘無所謂啦..", 我都未開口, 佢就同我講 :
今日所有返台北嘅高鐡車飛已經全部賣晒!!
¶ 9:18 PM
18/3 (雨)
起咗身後，寄存咗我地啲行李係飯店之後, 我地就急急腳搭的士去台北車站啦.. 點解? 因為我地今日要坐
高鐡(高速鐡路)落台中玩一日..我係第一次撘高鐡, 感覺都唔錯, 又快又乾淨, 有啲車箱
仲有得買嘢食tim... 由台北到台中只係要60分鐘左右, 起初都怕悶架.. 但上咗車後唔經唔覺就到咗台中火車站囉.. 行車時安靜又穩定.. 唔錯唔錯!! 係車入面仲有個伯伯主動問洗唔洗幫我地影相.. 原來台灣人都幾有人情味!!到咗台中之後我地係車站大堂左望右望都見唔到我地今日嘅主角( Leona 嘅朋友) - 小湯!
我地等咗幾分鐘都唔見佢就諗住走落下一層打電話睇吓佢係邊. 點知一落樓梯就見到一個老老實實嘅男仔伸咗個頭出來.. 然後就聽到Leona 哂左句, " 原來你係度" ( 請用國語講出..) ..
啊...佢就係小湯呀......
我都係第一次見佢啦.. 係我幻想入面, 小湯係一個黑黑實實, 染金頭髮兼有一身時髦衣著嘅台灣現代男.. 點知又一次証明咗幻想同現實係兩回事.. 不過, 真實嘅小湯反而俾我一種平易近人嘅感覺..
小湯首先車我地去食早餐, 佢帶咗我地食台中地道早餐 - 蛋餅同豆槳, 蛋餅其實好似班戟但入面係肉鬆.. 味道都唔錯. 之後就去咗小湯屋企參觀吓, 我諗小湯都幾有錢, 因為佢屋企個屋園係要用遙控開閘, 架車先可以入去, 電視睇得多啦, 真實都係第一次見..
入到屋, Leona 就話要睇小湯嘅真藏, 原來小湯係一個飛機迷.. 書房入面有個玻璃櫃尃放飛機. 之後我地坐一陣, 影咗兩張相就走咗啦 .. 事後Leona 話我知間屋係佢架(已經買咗啦) .. 嘩!!!!!
我地今日有兩個行程, 第一個係一個叫集集嘅舊火車站, 第二個係一個酒廠..
集集火車站
我地架車係一條又一條嘅高速公路上飛馳後.. 不經不覺已經坐咗個幾鐘啦... 沿途小湯同Leona 不停咁傾計, 我就坐係後座聽佢地講咩.. 小湯不停咁同我地介紹台中嘅事, 而我地最有興趣嘅就係檳榔同檳榔西施..原來台
灣政府已經禁止人民種檳榔樹, 點解? 原來檳榔樹同一般嘅樹唔同, 一般樹嘅樹根係可以爪住泥土, 令土地結實啲, 但檳榔樹就無呢個用途啦, 反而令到土壤變得鬆散, 當地震時就大鑊啦.. 震兩震就順手來個山泥傾瀉.. 所以政府先禁止種檳榔樹. 不過政策歸政策, 我地沿途都仲見到一片又一片嘅檳榔樹林..而檳榔西施我地就見唔到啦..東施就有好多.. 我睇電視節目介紹都唔係咁架喎, 佢地會著得好性感問人要唔要買檳榔, 但係我見到個幾個都好似發冷咁樣, 差在未著皮草啫!! 小湯同我地講, 佢有
一次係台南一個落後啲嘅地方真係見到一個身上只係披住件薄紗嘅女仔叫人同佢買檳榔!!!!!!!! 小姐你賣檳榔定賣淫呀?集集係一個舊火車站, 但係佢仲有火車行駛, 不過一日可能只有兩三次, 所以好多人都會走落路軌影相, 我地當然唔會放個呢個機會啦.. 影完相就去玩攤位遊戲, 小湯每次都爭住俾錢, 但當地人又真係次次都收佢啲錢唔收我地啲架喎.. 唔通佢地識得小湯?? 午餐我地叫咗炸雞排,燒豆腐同蔗汁.. 集集真係幾舒服架, 空氣又清新, 可惜行咗一陣又開始落雨... 咁我地唯又上返車去下一站 - 埔里酒廠
埔里酒廠
我望一望錶, 已經2:00pm 啦, 由於我地原定6:30pm 要搭車返台北, 所以都有啲擔心, 但小湯話順路, 咁我地就決定去埋先啦, 最多咪坐7:30
pm 班車, 係架車行咗30 分鐘都見唔到一間好似酒廠物體嗰一刻, 我就知大鑊啦.. 原來小湯都唔係好識路, 所以左轉右轉都揾唔到, 問個阿伯, 佢手指指, 又講咗幾句, 咁我就知佢唔知酒廠係邊度啦. 之後又行咗一陣, 就問個阿嬸,睇佢傻頭傻腦就知佢又唔知啦.. 再行一陣, 見到個可愛嘅小妹妹就問吓佢, 果然, 大家都係後生仔...係唔同啲! 
酒廠無咩特別, 地方都唔算太大, 係大地震之後酒廠就咩都無晒, 之後就唔再出酒啦, 而家嘅面貌都係地震後重建而且改成為博物館, 我地行完咗酒館之後 ( Leona 試晒所有嘢食同酒, 啲酒淳度太高啦, 成20%喎, 佢飲唔落), 買咗酒蛋, 腸仔同xo 醬就起程返台中車站囉..
再睇一睇錶, 已經係6:30pm, 小湯開行架車, 最後我地係 7:15pm 到台中火車站(距離開車時間只有9分鐘), 我叫Leona 行快兩步去售票處買飛先, 我離遠見佢同個售票員講咗幾句之後, 面如死灰, 就知我地趕唔切啦..要等下一班車,即係要係車站呆等一個鐘.... (-_-") (-_-")
我平心靜氣想走埋去安慰佢, 同佢講 "等多個鐘無所謂啦..", 我都未開口, 佢就同我講 :
今日所有返台北嘅高鐡車飛已經全部賣晒!!
¶ 9:18 PM
