Sunday, April 15, 2007
復活假 (二)
四月五日
今日係復活節第一日, 一早(11:00) 就同佢地打羽毛球.. 難以至信嘅事發生啦..................
阿Lung 同Fiona 竟然可以係11:15am 到球場!!!! 最令我覺得可怕係Maggie 都可以以係11:30am 來到... 所以話奇蹟每日都發生.. 只係你擦唔擦覺到啫.... 打完波, 成班走咗去唱K .. (除咗Maggie, 佢要同啲memeber 行街唱k喎) .. 就係呢個時侯Cindy, Tao 同Wendy 嘅加入.. 令我地人強馬壯起來...
唱K 嗰時, 個個都好似就死咁..我就少有地成為當日嘅"楂咪人" ... 之後又走咗去打邊爐... 玩足一日!!
四月六日
尋日打完波, 今日又話去踩單車啦.. 13 個成員係沙田集合後, 我地就向世界.. 啊.. 唔係.. 係"向大埔出發"..阿Fung就係沙田教阿茵..我同Leona 踩到邊食到邊.. 食咗雪糕, 菠蘿冰同 臭豆腐.. 我地成班踩到大埔海濱公園影咗張唔齊人嘅團體照就踩返沙田撿返阿Fung 同阿茵.. 估唔到阿茵都學幾快... 己經略有小成!
當晚我地就去大排檔食飯.. 叫咗碟蜆好似拳頭咁大.. 味道都唔錯...
四月七日
今日暫時闊別佢地班友仔做返個孝子.. 晨咁早就一家人去拜山.. 目的地係將軍澳華人永遠墳場.. 總共有四個位要拜 .. 原來阿爸係係430 房... 真係唔睇都唔知.. 平時都係自自然然就識得行過去..
拜完山, 成班親戚飲埋茶先散Brand ...
四月八日
無見一日, 我地又見面啦.. 今日嘅節目係釣魚.. 真係估唔到地都有興趣.. 今次釣魚嘅地點係深井加頓後面, 我, 阿Fung 同Leona 早一啲去到魚鋪買餌, 魚勾, 魚排等等.. 我同阿Fung就 各有一支竿... Fiona 就攞咗佢阿哥支竿.. 阿Fung 買咗$35 蟲做餌.. 俾我地話最後都係攞來餵魚.. 係呢個時侯我就有啲擔心, 唔知嗰度有冇魚釣.. 阿Lung 同Fiona 仲老遠入來.. 希望有啲魚,唔好令大家失望啦...
加頓嗰度有兩個釣魚位.. 一邊係石灘, 一邊係長廊..石灘嗰邊有啲危險, 所以都係係長廊算啦.. 有長椅坐.. 舒服好多.. 我同阿Fung 係度開始勾餌.. 無幾耐( 唔夠5分鐘, 阿Tao 已經有魚上釣啦.. Yeah !! 咁即係有魚啦..咁都無咁驚... 釣咗幾個鐘.. 發覺嗰度係超多魚.. 我地加埋都有10 條.. Fiona 就係咁同隻蟹搏鬥咗成日...
大約6:30 我地拾嘢走啦.. 佢地係深井食燒鵝, 我同Leona 就食日本嘢..
四月九日
今日Leona 上我屋企.. 佢話要煮紅酒會牛尾喎.. 佢係荃灣買好晒餸 同材料....入到來都3:00pm 啦.. 所以我地就著手準備...準備好晒.. 只要等煲兩個鐘就可以啦.. 最初以為得我地同阿媽..點知我啲家姐姊妹都返咗來食.. 大家對Leona 嘅會牛尾都讚不絕口..我都覺得好好味~~嘻嘻 ¶ 7:38 PM
四月五日
今日係復活節第一日, 一早(11:00) 就同佢地打羽毛球.. 難以至信嘅事發生啦..................
阿Lung 同Fiona 竟然可以係11:15am 到球場!!!! 最令我覺得可怕係Maggie 都可以以係11:30am 來到... 所以話奇蹟每日都發生.. 只係你擦唔擦覺到啫.... 打完波, 成班走咗去唱K .. (除咗Maggie, 佢要同啲memeber 行街唱k喎) .. 就係呢個時侯Cindy, Tao 同Wendy 嘅加入.. 令我地人強馬壯起來...
唱K 嗰時, 個個都好似就死咁..我就少有地成為當日嘅"楂咪人" ... 之後又走咗去打邊爐... 玩足一日!!
四月六日
尋日打完波, 今日又話去踩單車啦.. 13 個成員係沙田集合後, 我地就向世界.. 啊.. 唔係.. 係"向大埔出發"..阿Fung就係沙田教阿茵..我同Leona 踩到邊食到邊.. 食咗雪糕, 菠蘿冰同 臭豆腐.. 我地成班踩到大埔海濱公園影咗張唔齊人嘅團體照就踩返沙田撿返阿Fung 同阿茵.. 估唔到阿茵都學幾快... 己經略有小成!
當晚我地就去大排檔食飯.. 叫咗碟蜆好似拳頭咁大.. 味道都唔錯...
四月七日
今日暫時闊別佢地班友仔做返個孝子.. 晨咁早就一家人去拜山.. 目的地係將軍澳華人永遠墳場.. 總共有四個位要拜 .. 原來阿爸係係430 房... 真係唔睇都唔知.. 平時都係自自然然就識得行過去..
拜完山, 成班親戚飲埋茶先散Brand ...
四月八日
無見一日, 我地又見面啦.. 今日嘅節目係釣魚.. 真係估唔到地都有興趣.. 今次釣魚嘅地點係深井加頓後面, 我, 阿Fung 同Leona 早一啲去到魚鋪買餌, 魚勾, 魚排等等.. 我同阿Fung就 各有一支竿... Fiona 就攞咗佢阿哥支竿.. 阿Fung 買咗$35 蟲做餌.. 俾我地話最後都係攞來餵魚.. 係呢個時侯我就有啲擔心, 唔知嗰度有冇魚釣.. 阿Lung 同Fiona 仲老遠入來.. 希望有啲魚,唔好令大家失望啦...
加頓嗰度有兩個釣魚位.. 一邊係石灘, 一邊係長廊..石灘嗰邊有啲危險, 所以都係係長廊算啦.. 有長椅坐.. 舒服好多.. 我同阿Fung 係度開始勾餌.. 無幾耐( 唔夠5分鐘, 阿Tao 已經有魚上釣啦.. Yeah !! 咁即係有魚啦..咁都無咁驚... 釣咗幾個鐘.. 發覺嗰度係超多魚.. 我地加埋都有10 條.. Fiona 就係咁同隻蟹搏鬥咗成日...
大約6:30 我地拾嘢走啦.. 佢地係深井食燒鵝, 我同Leona 就食日本嘢..
四月九日
今日Leona 上我屋企.. 佢話要煮紅酒會牛尾喎.. 佢係荃灣買好晒餸 同材料....入到來都3:00pm 啦.. 所以我地就著手準備...準備好晒.. 只要等煲兩個鐘就可以啦.. 最初以為得我地同阿媽..點知我啲家姐姊妹都返咗來食.. 大家對Leona 嘅會牛尾都讚不絕口..我都覺得好好味~~嘻嘻 ¶ 7:38 PM
