大日子今日老闆放假, 所以氣氛好好.. 人人都面帶笑容... 而我又難得係公司無野做, 可以偷偷地打吓日記.. 呢個月發生左兩件大事.. 第一就係我女朋友仔牛一.. (在此再祝佢心想事成, 事事如意) , 第二就係龍仔多咗個女朋友.. (真係可口可樂!!) Leona 生日嗰日, 我一早起身同阿媽飲茶, 久唔久我都會做吓乖仔架..之後就出咗去金鐘.. 因為我地諗住去添馬艦個嘉年華.. 由於係下午, 人都唔算多, 所以有啲 game 好快就有得玩.. 最耐嘅係鬼屋同過山車.. 所有機動遊戲當中, 最特別係一個每次只可以坐四個人, 然後係空中360度咁轉嘅物體, 真係 free 爆... 無膽嘅Leona 只有係下面幫我拍Video !! 哈哈...玩完之後我地係SOGO 行咗一陣, 之後就去咗旋風餐廳食晚飯.. 個view 可以話係prefect ~~~ 但食物就麻麻啦~~ 係多次的 "提醒" 之下, 終於 "自發" 性整左件生日禮物俾佢, 想氹吓佢開心.. 都好.... 睇佢都好似好鐘意份禮物.. Yeah ........