後流, 二波開車, 死火今日(22/9)放咗工去學車, 起初都係無咩特, 同埋可能係我手車太好啦..所以師父就坐坐吓訓著咗...咁都無計啦.. 唔通拍醒佢咩..咁咪自己打醒萬二分精神囉.... 唉.. 但係始終都衰咗.. 話說我架車跟住另一個學車仔... 佢架車大約係20咪咁行緊..師父話唔可以趴頭嘛.. 咁我咪唯有跟住佢囉.. 去到個路口..佢突然停車, 咁我咪又停車囉.. 之後佢開車, 我又開, 點知個度係暗斜... 我無用hand break幫手開車...SHIT!! .. 架車咪後流囉.. 後面架的士即刻 " BB 聲" 咁係度怒吼.. 而阿李師父就元神歸位.. 語重深長咁講咗句: 咁咪又肥佬囉!! 唔係個死學神, 我會咁.. ?哼!!! 好事成雙.... 之後停咗車, 唔記得off 波, 用咗二波開車, 咁就真係"死晒火"啦.. FxxK !!不過...唔係自己衰過, 唔會咁記得.. 而家我次次都拉Hand Break
古語有云: 小心駛得萬年船