共聚一堂星期六下午, 約咗成班friend 去我屋企玩..有成十二個人.. 厲害 !!大約12:30pm, 阿Fung 打來話會早啲入來同我食飯先.. 我地就約咗係市中心揾嘢食.. 嘩.. 嗰間大姆指啲飯難食到呀~~ 之後等埋Leona 同阿Yan 就搭的士上我到啦.. 唔係我地富貴, 只係當日落晒雨咁.. 無理由拎住咁多野行返去架~上到去之後, 打咗陣PS2 , 阿Tao 就打來話到咗啦.. 我, 阿Fung, 阿Yan 同Leona 就落去買餸, 決定今晚玩美女廚房.. 阿Yan 負責整Cookies.. 我同Leona 就煮餸.. 買買吓野, 阿John 同阿Yin 就到啦.. 阿Yin 整咗個Cheese cake 帶埋入來.. 我咪俾咗張咭佢地兩個上我屋企先囉~ 今晚我地諗住煮啲簡單嘢.. 薑蔥蟹, 上湯蒸水蛋, 豆豉鯪魚炒菜, 排骨同蒸魚.. 我地仲諗住叫Wendy 煲湯~~ 驚唔夠食就買埋叉燒同滷味~ 買完返到去, Leona 就著手準備, 洗菜, 劏魚劏蟹等等.. 阿Yan 同阿Fung 就整cookies, 阿Tao, John 同阿Yin 就係廚房出出入入睇吓我地攪咩鬼.. 多謝 Leona 準備餐咁好嘅晚飯俾我地.. 之後做到腰痛... 心痛死我啦~6:00pm 左右, Cindy, 阿Lung, Tammy, Maggie 同 Wendy 就大軍壓境殺到來啦... 之前叫佢地買豆豉鯪魚, 佢地就買咗炸鯪魚.. 煮煮吓發覺樣樣都好似係蒸嘅.. Oh ~~ 邊有咁多爐蒸嘢呀? .. 無計啦.. 嘢都買咗啦, 照做囉.. 大約7:45pm, 終於煮好啦.. 食之前成班影咗張相記念一吓先.. 之前佢地上來都係叫 Pizza Hut, 今次簡直係歷史性嘅一刻~~食完飯, 阿Yin嘅cheese cake 成為我地嘅甜品, 味道唔錯, 人人都話好食~~ 之後男仔就緊係打Gundam 啦,女的咪係我間房玩電腦囉...玩到10:00pm 阿John 同阿Yin 走先.. 10:45pm 左右.. 咁就全部人一齊走.. 最後我, 阿Lung, 阿Fung同阿Tao 就係機鋪打到1:00am 之後買埋嘢飲返我屋企再打過.. 打通宵... 訓醒, 食完飯之後又出荃灣打過..打到頂唔順就返屋企訓.. 之後先覺得唔多掂.. 喉嚨痛!! 唔痛就有鬼啦..唔夠訓又食熱氣嘢..所以拿拿聲訓覺, 食兩粒牛黃解毒片頂一頂先.. 希望無事啦...係就係頹廢啲, 但係幾開心!!