Saturday, July 29, 2006
軟硬再製造......
張學友演唱會 + 軟硬聚舊 + 熱情觀眾 = 今晚嘅精彩....
食完晚飯之後, 我同Leona 就早一啲去到紅館, 其實我唔係成日去睇演唱會, 但今次有啲唔同.. 主動話要睇...
入場之前每人派咗個面具....(有版你睇..) 一個字.. 正!! 我勁鐘意, 所以山長水遠都攞返入屯門..
8:30pm 左右, 就由一首 Long Time No See 打開序幕, 跟住就係 Ga La Ga La Happy .. 後生嘅朋友可能唔知道, 但老一輩嘅"粉絲"就知呢首就係軟硬製造嘅主題曲..
舞台的設計係用天台做背景 (但學友竟然覺得係廁所.. -_-")... 設計雖然簡單, 但配合埋佢地嘅style 同個 Main Theme 就覺得幾match 幾有意思!! 我最鐘意嘅就係地啲衫, 特別係嗰件Hip hop 白Jacket !!! 我都想要啊~~~
歌就唱得唔多啦.. 你地都唔expect 佢地好似陳奕迅咁係咁今夜唱不停啦.. 所以中場係一個talk show .. 與其話係talk show , 應該話係軟硬的心路歷程.. 諗返起, 原來已經18年啦..我都睇咗佢地10 年啦... 而家有啲明白阿媽睇徐小鳳演唱會時的感受.. 男子組，妳的生活，流行曲..當然係唔少得啦~
之後由張學友做特別家賓, 佢地係咁講廸士尼... 仲屈咗阿學友張咗首 "每天愛你多一些 cross over白雪公主 mix米奇老鼠版" 好攪笑~ 之後學友再唱咗首 "你的名字, 我的姓氏".. 佢地兩個又玩改歌詞, 但係今次唔好笑, 反而有啲感觸... 原來佢地三個都已經成為人地爸爸啦... 之後唱咗幾首歌後就由廣播道Fans殺人事件作暫時終結.. ..
係全場觀眾大哂 Encore 之後，台又再次昇起, 佢地唱咗首新歌 ( 我唔知叫咩名喎).. 首歌係講啲人睇演唱會哂 Encore 的情形同歌手的心聲.. 好有意思!! 唱完之後多謝咗一班人, 就再唱 Long Time No See 為精彩嘅一晚畫上句號.....
歌唔係好聽, 音響唔係太好... BUT .... I'm Loving it ~~
¶ 1:48 AM
Comments:
<< Home
GOOD SHOW! 氣氛好好,下半PART大部人都企晒係度睇SHOW, "正"
雖然睇唔到LEON, 但能夠聽到學友的歌聲,仲要佢唱YOUR NAME,MY SURNAME的時候,好感動呀,仲要抵史到改歌詞(關於我至愛),YEAH!!!
Post a Comment
雖然睇唔到LEON, 但能夠聽到學友的歌聲,仲要佢唱YOUR NAME,MY SURNAME的時候,好感動呀,仲要抵史到改歌詞(關於我至愛),YEAH!!!
# posted by 
: 11:25 AM
: 11:25 AM
<< Home
