Friday, July 07, 2006
泰憶錄 (最終回) 
"平時做嘢咁辛苦, 並唔係為咗呢一刻嘅".. 我地最後一日係泰國嘅行程就由阿John 呢句說話打開序幕...
尋晚同佢地傾吓今日嘅行程, 只有阿Tao 話要再行商場，完成佢未完成的任務.. 我地都無咩異議, 因為時間唔係咁多, 要搭7:30 機.. 所以係出發先我地 "五" 個影左張合照
放低左啲行李俾reception 之後, 我地就坐 BTS 去Siam, 四條傻仔竟然可以搭過龍都唔知.. 要搭返倒頭車..SHIT!.. 阿John仲厚顏無恥咁係個站影咗張相留念..
嗰個商場唔算大, 但係已經可以攞我地條命.. 賣的都係一般商場嘅嘢, 無咩特別!! 所以我地行左陣就話要去食嘢.. Fung 仔話要食日本嘢!.. 嘩.. 唔係呀.. 你仲未痌夠咩? .. 但係算啦.. Fung仔成個行程入面都無咩提議, 呢次聽佢話囉.. 反正.. 一件污, 兩件穢.. 我只係希望我地四個唔好係飛機上分別唔霸住四個廁所啫~~
我地係商場一間壽司店食嘢.. 身上的錢唔多.. 入去之前都要睇清睇楚... 一睇之後,都覺得ok 喎...同香港嗰啲元氣, 元綠差唔多啦.. 坐低後, 每人叫左個餐, 再叫左兩碟魚生.. 叫完嘢食之後阿John 就好唔"尃心"啦.. 係咁昅住對面枱嗰兩個女仔.. 梗係啦.. 人地個樣仲要唔差, 仲要著住條短裙仔, 仲要走埋光, 仲要任睇喎.... 阿John 都夠兄弟啦.. 係咁叫我地睇... 但係我地連轉個頭都無力啦....就算係張柏芝走都唔睇啦..
講返啲嘢食.... 我地最感動嘅係杯綠茶夠熱, 可以暖吓個肚.. 魚生最先上, "Oh.. My god .. 價錢係同香港一樣呀.. 但係份量就.. " 大家都唔咁輕舉妄動.. 係"空肚食魚生, 賴屎唔係難" 呢個陰狸之下, 大家都希望個餐快啲到, 想食咗啲熟嘅嘢先..
阿John 同阿Tao 食到木無表情.. 阿Tao 仲問阿John 可唔可以幫手托吓個下巴"趙"吓野... 美食當前, 可惜係大家有心無力.. 平時我一個人都可以掃咗碟魚生.. 今次竟然有得淨..買單嗰時有張coupon. 阿John 就膽粗粗走去嗰兩個女仔張枱到, 送咗俾嗰兩個女仔啦.. 人地都呆一呆, 但係都收咗.. 奇怪!!
(-_-"3) ..頂唔順啦~~~~
(-_-) ..唔行啦 !!
("-_-) ..我唔得啦
("0-0) ... 走啦.. 去揼骨啦~~
結果我就離開咗個商場, 搭BTS 去一間叫 Rosemarin Natural Beauty & Spa 到揼骨, 呢間嘢係我地酒店隔來.. 一入到去, 感覺同之前嗰啲唔同.. 高級好多.. 但係都係500baht 1.5小時.."Fit 晒~~ 揼完時間啱啱好!!" 阿Tao 就只係按腳，阿John , 我同Fung 仔就按全身.. 我同Fung 仔一間房, 今次要換衫, 仲有床瞓tim.... 起初有啲怕, 但係今次唔錯, 力度適中, 按完仲有參茶飲.. 結果俾咗150baht 做Tip .. 佢地開心到係個心到笑咗出來...
按完之後落返去時, 見到阿Tao 瞓左係張按摩椅到.. 仲同我地講,之前有三個香港人, 每人只係俾20baht 做Tips .. 咁唔怪之得啦... 唉.. 丟臉!! 揼完之後 ,阿Tao話 "成個人精神左,行路快咗, 連讀書都叻咗tim!!"
行返酒店攞返啲行李, 個侍仔好醒咁幫我地叫咗兩架的士送我地去機場，所以走之前都醒咗20 baht 俾佢~唔洗20分鐘，我地就去到機場，check in 之後就入去禁區行咗陣, 阿公有100baht 淨, 阿John 就話用來買一樣四個人都可以有嘅嘢.
大佬, 咪玩啦.. 得100baht (HKD 20), 可以買咩呀?四粒魚蛋呀? 結果, 阿公嗰100baht 我保留到而家!!
上飛機前阿John 俾海關沒收左個煙灰灴, 梗係啦.. 個煙灰灴係用子彈殼做架 (但係冇彈藥).. 為咗帶"佢"返香港, 阿John 東奔西跑.. 睇見佢都辛苦.. 最後海關證實咗係無火藥呀, 但航空公司怕死..唔俾呢...可惜呀~~ 最終阿John 都係帶住遺憾返香港... 條友仔一怒之下, 發狂咁食咗佢兩個飛機餐, 仲問個空姐攞咗作10粒朱古力.. 但都係補唔返條數~~
大概 0:00am.. 我地攞埋行李, 影埋最後一張團體照就解散啦~~ 亦真真正正完結咗今次嘅四仔旅行團!!
"平時做嘢咁辛苦, 並唔係為咗呢一刻嘅".. 我地最後一日係泰國嘅行程就由阿John 呢句說話打開序幕...
尋晚同佢地傾吓今日嘅行程, 只有阿Tao 話要再行商場，完成佢未完成的任務.. 我地都無咩異議, 因為時間唔係咁多, 要搭7:30 機.. 所以係出發先我地 "五" 個影左張合照
放低左啲行李俾reception 之後, 我地就坐 BTS 去Siam, 四條傻仔竟然可以搭過龍都唔知.. 要搭返倒頭車..SHIT!.. 阿John仲厚顏無恥咁係個站影咗張相留念..
嗰個商場唔算大, 但係已經可以攞我地條命.. 賣的都係一般商場嘅嘢, 無咩特別!! 所以我地行左陣就話要去食嘢.. Fung 仔話要食日本嘢!.. 嘩.. 唔係呀.. 你仲未痌夠咩? .. 但係算啦.. Fung仔成個行程入面都無咩提議, 呢次聽佢話囉.. 反正.. 一件污, 兩件穢.. 我只係希望我地四個唔好係飛機上分別唔霸住四個廁所啫~~
我地係商場一間壽司店食嘢.. 身上的錢唔多.. 入去之前都要睇清睇楚... 一睇之後,都覺得ok 喎...同香港嗰啲元氣, 元綠差唔多啦.. 坐低後, 每人叫左個餐, 再叫左兩碟魚生.. 叫完嘢食之後阿John 就好唔"尃心"啦.. 係咁昅住對面枱嗰兩個女仔.. 梗係啦.. 人地個樣仲要唔差, 仲要著住條短裙仔, 仲要走埋光, 仲要任睇喎.... 阿John 都夠兄弟啦.. 係咁叫我地睇... 但係我地連轉個頭都無力啦....就算係張柏芝走都唔睇啦..
講返啲嘢食.... 我地最感動嘅係杯綠茶夠熱, 可以暖吓個肚.. 魚生最先上, "Oh.. My god .. 價錢係同香港一樣呀.. 但係份量就.. " 大家都唔咁輕舉妄動.. 係"空肚食魚生, 賴屎唔係難" 呢個陰狸之下, 大家都希望個餐快啲到, 想食咗啲熟嘅嘢先..
阿John 同阿Tao 食到木無表情.. 阿Tao 仲問阿John 可唔可以幫手托吓個下巴"趙"吓野... 美食當前, 可惜係大家有心無力.. 平時我一個人都可以掃咗碟魚生.. 今次竟然有得淨..買單嗰時有張coupon. 阿John 就膽粗粗走去嗰兩個女仔張枱到, 送咗俾嗰兩個女仔啦.. 人地都呆一呆, 但係都收咗.. 奇怪!!
(-_-"3) ..頂唔順啦~~~~
(-_-) ..唔行啦 !!
("-_-) ..我唔得啦
("0-0) ... 走啦.. 去揼骨啦~~
結果我就離開咗個商場, 搭BTS 去一間叫 Rosemarin Natural Beauty & Spa 到揼骨, 呢間嘢係我地酒店隔來.. 一入到去, 感覺同之前嗰啲唔同.. 高級好多.. 但係都係500baht 1.5小時.."Fit 晒~~ 揼完時間啱啱好!!" 阿Tao 就只係按腳，阿John , 我同Fung 仔就按全身.. 我同Fung 仔一間房, 今次要換衫, 仲有床瞓tim.... 起初有啲怕, 但係今次唔錯, 力度適中, 按完仲有參茶飲.. 結果俾咗150baht 做Tip .. 佢地開心到係個心到笑咗出來...
按完之後落返去時, 見到阿Tao 瞓左係張按摩椅到.. 仲同我地講,之前有三個香港人, 每人只係俾20baht 做Tips .. 咁唔怪之得啦... 唉.. 丟臉!! 揼完之後 ,阿Tao話 "成個人精神左,行路快咗, 連讀書都叻咗tim!!"
行返酒店攞返啲行李, 個侍仔好醒咁幫我地叫咗兩架的士送我地去機場，所以走之前都醒咗20 baht 俾佢~唔洗20分鐘，我地就去到機場，check in 之後就入去禁區行咗陣, 阿公有100baht 淨, 阿John 就話用來買一樣四個人都可以有嘅嘢.
大佬, 咪玩啦.. 得100baht (HKD 20), 可以買咩呀?四粒魚蛋呀? 結果, 阿公嗰100baht 我保留到而家!!
上飛機前阿John 俾海關沒收左個煙灰灴, 梗係啦.. 個煙灰灴係用子彈殼做架 (但係冇彈藥).. 為咗帶"佢"返香港, 阿John 東奔西跑.. 睇見佢都辛苦.. 最後海關證實咗係無火藥呀, 但航空公司怕死..唔俾呢...可惜呀~~ 最終阿John 都係帶住遺憾返香港... 條友仔一怒之下, 發狂咁食咗佢兩個飛機餐, 仲問個空姐攞咗作10粒朱古力.. 但都係補唔返條數~~
大概 0:00am.. 我地攞埋行李, 影埋最後一張團體照就解散啦~~ 亦真真正正完結咗今次嘅四仔旅行團!!
~ 全文完~
¶ 10:28 AM
