Tuesday, July 04, 2006
泰憶錄 2006 (卷八)
12 Jun 06 (9:00am)
與廁同眠
一早起身見到Fung 仔攤係床到唔願起身, 諗住刷完牙先再叫醒佢啦, 點知原來條友仔個肚唔舒服, 尋晚痾左成晚, 痾到面青口唇白, 見到佢咁樣咪走去揾阿John 攞 "喇叭牌 " 囉.. 阿Fung “拍” 左三粒後就叫佢再瞓多陣先...
就係呢個時候, 阿John 同阿Tao 就沖入來睇吓咩環境, 當然仲有唔會放過呢個黃金機會啦.. 影佢相之後再返香港 "大事宣揚"一番…
P: 就咁影好單調喎....放樽 喇叭牌 係張被上面襯吓啦
眾人: Wow..個Feel 即刻出晒來..
影完佢相之後就繼續我地今日的行程, 至於阿Fung 啦喎… 我諗佢成朝都要同屎杭為伴啦..
臨出發前落咗7-11 買定啲嘢食俾佢, 話有咩事打俾我地, 中午再打俾佢睇吓咩環境…
我地三個撘的士去Siam 行商場, Zen, World Trade, 伊勢丹..etc..行之前係McDonald 食左個早餐先, 食食吓, 突然想去廁所..
係呢一刻我竟然係腦入面見到張達明同我講 : 係出場前一刻咁震撼嘅場面係我肚入面出現..Show Time."
Oh.. No..我唔想返去同阿Fung 爭廁所...
我唔想同喇叭牌影相呀!!!!! … (>0<")
好彩.. 好彩.. 最終都係冇出"屎" (係出事)…
食完就開始行商場, 點知 World Tarde 同伊勢丹裝修, 商場就照開呀, 但入面的鋪頭就差唔多收晒啫...
阿John 話要買個裝card 嘅銀包俾阿Yin, 但係佢揀個啲款就連樓吓執垃圾個阿婆都唔要啦.. 咁咪行左去第二個商場行囉.. 返而係呢個不知名嘅商場買到嘢喎.. ,阿John終於買到兩個Roxy 銀包.. 我都買咗個俾Leona.
行完之後我同阿Tao 去MBK , 阿John 收到阿Fung電話話佢復活咗, 約阿John 一齊行軍品街.. 所以阿John 就打的返酒店接埋阿Fung 先.
係街行行吓, 突然有幾個差佬叫街上所有的人停低唔准行.. 望一望, 原來封左的路有一隊車隊"洗"過.. 睇來都係啲咩咩總統總理架車行過囉.. 停左一分鍾左右先行得返…
同阿Tao去到MBK, 嗰到平民化好多 .. 好多賣衫褲鞋襪, 影音, 電器的鋪仔, (次次去都唔知MBK有幾多層, 我諗應該6-7層卦.. 但係每一層都好Q 長啦.. 有排行, ) 我同阿Tao 嘅目標係Converse. 因為上次來泰國就係係呢度掃貨啦．．如果連MBK都好似之前啲鋪頭咁玩 "正價, No Discount" , 咁就無嘢好講啦…
終於 皇天不負有心人, 好多鋪鋪都有 10-20% discount ...都叫攞返個尾彩啦!!
布的converse (高筒) - 850 baht
布的converse (冇筒) – 800 baht
皮的converse (高筒) – 1500 baht
皮的converse (冇筒) - 1300 baht
我同阿Tao 最後都買左對Converse..買完之後都無力行落去啦, 所以咪諗住打的返酒店囉, 去到的士站個司機係咁話 : “Have a big big party , far away” 之後就話 500baht.. 佢都傻傻地.. 我搭來先 60 baht 左右..
跟住佢仲攞左張單張出來, 上面係啲有著等於冇著嘅女人.. 唔洗問阿貴都知係咩啦…. “喂.. 大佬, 我並唔係啲咁嘅人喎, 全香港人都知啦,…. 唔好咁樣睇我喎!! .... 係都攞啲靚嘅出來嘛!!”.. 咁我咪唔理佢走去搭BTS囉..
返到酒店, 阿Fung己經係酒店啦, Hee hee .. 有冇係街到… 原來軍品街無咩特別, 所以早咗返, 阿John 唔知買唔買到嘢呀, 阿Fung 就買左兩條褲.
Suan Lum Night Bazaar
係酒店休息左一陣, 我地又要出發去另一個地方, 老實講呀.. 我己經唔想再行啦.. 咪又係嗰啲.. 但係算啦.. 唔好離群...行吧啦.. 一去到就見到個摩天輪.. 個Market 嘅設計同ChaTuChak 差唔多... 特色就係焗! 但係比起ChaTuChak 就好啲, 啲路闊啲, 空氣流通啲囉..
我地決定用S型的行法, 希望可以睇多啲嘢, 最後行左唔夠一個Area 就走啦.. 唔出奇呀!!... 大家都己經死吓死吓咁啦... 不過, 我都買到嘢, 買左個公仔, 細小嘅模型仔同埋 4 條用皮做嘅狗仔電話繩.. 早知買多啲啦.. 啲電話繩大受好評!!
David Camp
跟住我地就搭的士去食飯啦..(個司機左兜右轉都唔係咁肯定) 今晚係係泰國最後一晚, 我地都諗住要食豪啲.. 去左一間係Davis Camp入面的一間泰式餐廳, 嗰晚無咩人, 好寧靜, 環境唔錯, 一坐低就有尃人用廣東話同我地介紹菜色, 提議我地試吓啲生蝦, 阿John 就係為左試呢度的生蝦先來, 咁咪order 一客試吓先囉.. 阿Tao 唔食得, 阿Fung 有 “傷” 在身, 唔敢食, 我都忌忌地..話只係食一,兩隻..
阿John 試食先, 食完之後, 神色凝重望住我, 講左句, 你自己試吓啦… “呢句好似係邊到聽過呢? ”一食.. Oh.. (>,<) 仲好食過上次係南星嗰度食喎…最後我地order 多一碟, 共18隻, 我就食左7 隻, 阿John 食左 9隻 ..我地仲叫咗 棷青特飲, 菠蘿炒飯, 冬陰公, (細細煲冬陰公有成三隻大蝦… 正~!! )之後又叫咗個椰奶雪糕.. 好好味呀!! 但係係同時阿John 彈咗句 “呢次仆街啦, 椰奶我唔受得架喎..”埋單都係 2000 baht 左右~
阿John 嘅忍耐~
食完飯一心諗住行去揼骨, 但係行到大半, 我地決定唔去, 起初以為阿John會話我地.. 出奇地佢無異議.. 見佢行行吓無講嘢, 唔知係唔係有咩事.. 只見佢神情嚴肅.. 一言不發.. 事後先知條友仔用佢120% 嘅集中力去同佢屎眼搏鬥.. 幾經辛苦, 終於俾佢忍到返酒店..我同阿Fung 就去左7-11買嘢飲…
當晚, 連阿John 都要咗三粒喇叭牌守吓佢嘅 “門口”… 之後我同阿Fung 攤晒買咗嘅嘢出來影相, 阿Tao 就過咗來吹陣水. 影完之後就瞓啦
P.S. 係啦!!!!! 我記得啦… 尋晚阿Fung 係酒店個櫃到攞左本聖經出來玩, 阿John叫佢唔好玩, 放返好佢 …第二日, 阿Fung , 我, 同阿John 就一個一個中招啦…唔通~~
¶ 5:50 PM
12 Jun 06 (9:00am)
與廁同眠
一早起身見到Fung 仔攤係床到唔願起身, 諗住刷完牙先再叫醒佢啦, 點知原來條友仔個肚唔舒服, 尋晚痾左成晚, 痾到面青口唇白, 見到佢咁樣咪走去揾阿John 攞 "喇叭牌 " 囉.. 阿Fung “拍” 左三粒後就叫佢再瞓多陣先...
就係呢個時候, 阿John 同阿Tao 就沖入來睇吓咩環境, 當然仲有唔會放過呢個黃金機會啦.. 影佢相之後再返香港 "大事宣揚"一番…
P: 就咁影好單調喎....放樽 喇叭牌 係張被上面襯吓啦
眾人: Wow..個Feel 即刻出晒來..
影完佢相之後就繼續我地今日的行程, 至於阿Fung 啦喎… 我諗佢成朝都要同屎杭為伴啦..
臨出發前落咗7-11 買定啲嘢食俾佢, 話有咩事打俾我地, 中午再打俾佢睇吓咩環境…
我地三個撘的士去Siam 行商場, Zen, World Trade, 伊勢丹..etc..行之前係McDonald 食左個早餐先, 食食吓, 突然想去廁所..
係呢一刻我竟然係腦入面見到張達明同我講 : 係出場前一刻咁震撼嘅場面係我肚入面出現..Show Time."
Oh.. No..我唔想返去同阿Fung 爭廁所...
我唔想同喇叭牌影相呀!!!!! … (>0<")
好彩.. 好彩.. 最終都係冇出"屎" (係出事)…
食完就開始行商場, 點知 World Tarde 同伊勢丹裝修, 商場就照開呀, 但入面的鋪頭就差唔多收晒啫...
阿John 話要買個裝card 嘅銀包俾阿Yin, 但係佢揀個啲款就連樓吓執垃圾個阿婆都唔要啦.. 咁咪行左去第二個商場行囉.. 返而係呢個不知名嘅商場買到嘢喎.. ,阿John終於買到兩個Roxy 銀包.. 我都買咗個俾Leona.
行完之後我同阿Tao 去MBK , 阿John 收到阿Fung電話話佢復活咗, 約阿John 一齊行軍品街.. 所以阿John 就打的返酒店接埋阿Fung 先.
係街行行吓, 突然有幾個差佬叫街上所有的人停低唔准行.. 望一望, 原來封左的路有一隊車隊"洗"過.. 睇來都係啲咩咩總統總理架車行過囉.. 停左一分鍾左右先行得返…
同阿Tao去到MBK, 嗰到平民化好多 .. 好多賣衫褲鞋襪, 影音, 電器的鋪仔, (次次去都唔知MBK有幾多層, 我諗應該6-7層卦.. 但係每一層都好Q 長啦.. 有排行, ) 我同阿Tao 嘅目標係Converse. 因為上次來泰國就係係呢度掃貨啦．．如果連MBK都好似之前啲鋪頭咁玩 "正價, No Discount" , 咁就無嘢好講啦…
終於 皇天不負有心人, 好多鋪鋪都有 10-20% discount ...都叫攞返個尾彩啦!!
布的converse (高筒) - 850 baht
布的converse (冇筒) – 800 baht
皮的converse (高筒) – 1500 baht
皮的converse (冇筒) - 1300 baht
我同阿Tao 最後都買左對Converse..買完之後都無力行落去啦, 所以咪諗住打的返酒店囉, 去到的士站個司機係咁話 : “Have a big big party , far away” 之後就話 500baht.. 佢都傻傻地.. 我搭來先 60 baht 左右..
跟住佢仲攞左張單張出來, 上面係啲有著等於冇著嘅女人.. 唔洗問阿貴都知係咩啦…. “喂.. 大佬, 我並唔係啲咁嘅人喎, 全香港人都知啦,…. 唔好咁樣睇我喎!! .... 係都攞啲靚嘅出來嘛!!”.. 咁我咪唔理佢走去搭BTS囉..
返到酒店, 阿Fung己經係酒店啦, Hee hee .. 有冇係街到… 原來軍品街無咩特別, 所以早咗返, 阿John 唔知買唔買到嘢呀, 阿Fung 就買左兩條褲.
Suan Lum Night Bazaar
係酒店休息左一陣, 我地又要出發去另一個地方, 老實講呀.. 我己經唔想再行啦.. 咪又係嗰啲.. 但係算啦.. 唔好離群...行吧啦.. 一去到就見到個摩天輪.. 個Market 嘅設計同ChaTuChak 差唔多... 特色就係焗! 但係比起ChaTuChak 就好啲, 啲路闊啲, 空氣流通啲囉..
我地決定用S型的行法, 希望可以睇多啲嘢, 最後行左唔夠一個Area 就走啦.. 唔出奇呀!!... 大家都己經死吓死吓咁啦... 不過, 我都買到嘢, 買左個公仔, 細小嘅模型仔同埋 4 條用皮做嘅狗仔電話繩.. 早知買多啲啦.. 啲電話繩大受好評!!
David Camp
跟住我地就搭的士去食飯啦..(個司機左兜右轉都唔係咁肯定) 今晚係係泰國最後一晚, 我地都諗住要食豪啲.. 去左一間係Davis Camp入面的一間泰式餐廳, 嗰晚無咩人, 好寧靜, 環境唔錯, 一坐低就有尃人用廣東話同我地介紹菜色, 提議我地試吓啲生蝦, 阿John 就係為左試呢度的生蝦先來, 咁咪order 一客試吓先囉.. 阿Tao 唔食得, 阿Fung 有 “傷” 在身, 唔敢食, 我都忌忌地..話只係食一,兩隻..
阿John 試食先, 食完之後, 神色凝重望住我, 講左句, 你自己試吓啦… “呢句好似係邊到聽過呢? ”一食.. Oh.. (>,<) 仲好食過上次係南星嗰度食喎…最後我地order 多一碟, 共18隻, 我就食左7 隻, 阿John 食左 9隻 ..我地仲叫咗 棷青特飲, 菠蘿炒飯, 冬陰公, (細細煲冬陰公有成三隻大蝦… 正~!! )之後又叫咗個椰奶雪糕.. 好好味呀!! 但係係同時阿John 彈咗句 “呢次仆街啦, 椰奶我唔受得架喎..”埋單都係 2000 baht 左右~
阿John 嘅忍耐~
食完飯一心諗住行去揼骨, 但係行到大半, 我地決定唔去, 起初以為阿John會話我地.. 出奇地佢無異議.. 見佢行行吓無講嘢, 唔知係唔係有咩事.. 只見佢神情嚴肅.. 一言不發.. 事後先知條友仔用佢120% 嘅集中力去同佢屎眼搏鬥.. 幾經辛苦, 終於俾佢忍到返酒店..我同阿Fung 就去左7-11買嘢飲…
當晚, 連阿John 都要咗三粒喇叭牌守吓佢嘅 “門口”… 之後我同阿Fung 攤晒買咗嘅嘢出來影相, 阿Tao 就過咗來吹陣水. 影完之後就瞓啦
P.S. 係啦!!!!! 我記得啦… 尋晚阿Fung 係酒店個櫃到攞左本聖經出來玩, 阿John叫佢唔好玩, 放返好佢 …第二日, 阿Fung , 我, 同阿John 就一個一個中招啦…唔通~~
¶ 5:50 PM
Comments:
<< Home
陸生你真係慘啦, 哈哈"應有此報",但唔好累街坊呀嗎,TOO BAD~~~~~~
我好想多問一句 : 陸生,泰國的廁所係咪好好去D架, hehe~~~~~~?
幾時有得睇相呀, 我好期待呀 >,<
Post a Comment
我好想多問一句 : 陸生,泰國的廁所係咪好好去D架, hehe~~~~~~?
幾時有得睇相呀, 我好期待呀 >,<
# posted by 
: 12:17 AM
: 12:17 AM<< Home
