泰憶錄2006 (卷一)9 Jun 06天氣: 極差, 滂沱大雨, 雷電交加 …
(就係咁惡劣嘅環境吓.. 四個精壯的少年踏上佢地嘅旅途.. )
收工後, 我同Wendy 大約係8:00pm 就到左機場, 阿 Tao 同埋 阿John已經係機場等緊, 但係Fung 仔就未見終影, call 佢先知佢仲係青衣.. Shit! .. 所以我地決定唔等佢, 去左"老千拉麵" 食飯先.. 阿Fung 同阿Yan 隨後就到, 原來佢地已經食左野, 所以只係係許留山飲杯野.. 由於今次係 Fung 仔第一次大個仔之後出國旅行, 咩都唔知.. 我地緊係唔會放過呢個大好機會啦… 見佢遲到咪玩吓佢囉..
J: 我地check in 左啦.. 我地三個就confirm 有機位啦.. 幫你問過d工作人員, 佢話你太遲啦, 所以變左係waiting list ..
F: 講野咩...P: 真架, 如果有乘客唔出見先可以俾你上機.. 有位的話一陣會開mic 叫你辦手績架啦… 你留心聽啦… 無位的話會安排你再搭下一班機~
T: 係呀.. 下一班.. 你聽mic 啦 .. 但係我地係泰國唔會等你, 自己去酒店先F (-_-" 3) : 唔係呀?…
(我嗰時已經忍唔到笑, 所以Dup 低頭扮食麵..)
J 細細聲同我講: 好似有d 牽強喎..
F: 頂.. 你班友玩野~
眾人: HAHA~~
之後我地係機場行左一陣, 就入左禁區啦.. 係入去之前都影左幅相留念…
機場廣播 : [機場現正發出紅色警告, 航班升降可能受到延誤]
(禁區內)一入禁區, 阿John 就拿拿聲買左兩條煙, 之後就四圍行吓.. 跟住撘無人" 架洗" 烈車去到登機閘口等, 等到10:45pm 終於上機啦.. 係嗰時....阿John 就同Fung 仔講 : 做野咁辛苦就係為左呢一刻!!
(阿聯猷飛機上)
我地四個坐係中間嗰四個位, 機內設備都唔錯, 有獨立螢幕, 有得睇video, 聽收音機同打機, 仲可以link 埋其他乘客打, 雖然係d 陳年舊game, 但勝在簡單.. 同埋係飛機上玩咩都好玩啦~ 飛機餐就無咩特別, 空姐用甜美的聲音問我fish or chicken~ 咁我就要左一客魚啦.. 味道"麻麻"..正當Fung 仔諗定講chicken or fish 時, 個空姐就用純正廣東話問佢, 你要雞定魚? Fung 仔就呆左一陣啦....