Tuesday, June 27, 2006
泰憶錄2006 (卷六)
11 Jun 06 (7:00am)
今日倒塔咁早就要起身, 無法啦.. 今日係阿John 的主打項目嘛---"登登.. ChaTuChak" , 條友仔驚行唔晒, 諗住早啲坐車返曼谷囉.. 7:00am 左右, 架Van仔已經係酒店門口等緊我地啦.. 個司機同我地講佢要趕住去機場接個客, 所以會開快少少, 但唔洗擔心, 保證安全. . 我坐係車最後個排, 阿Tao 就中間, Fung仔同阿John 坐最頭.. 太眼瞓啦, 所以無幾耐我就瞓左, 但係架車好Q"登", 唔係瞓得咁好.. 無幾耐.. 阿John 就叫醒我, 睇睇錶,.. 嘩.. 8:30am 已經返到酒店啦.. (之前入芭提雅兩個鐘都叫快啦..今次只係個半鐘.. 厲害!) 返到Royal Park View 放低d行李,休息左一陣就搭BTS 去ChaTuChak 掃貨囉.. 哈哈.. 係酒店問個reception 點去撘BTS , 佢就話出左酒店轉左,我地出到去一睇.. 喂!! 大佬, BTS 條架空路軌係右邊喎.. 唉….心諗: "下次都係唔住呢間酒店啦" (順帶一提, 我地係由 Phrom Phong 站 到 Mo Chit 站 (無恥站? -_- ?) ..
由於我地去的時侯正係泰王登基六十週年, 所以成國的人都著左黃色的衫來慶祝, 感覺有d怪怪地..
阿John都係街買左個襟章來賀一賀泰王…
ChaTuChak Weekend Market (JJ Market)
ChaTuChak 係由廿幾個鐵皮屋區組成的market, 只係星期六日先開, 好似香港的大笪地咁.夠你行足一日,但必要嘅條件係你要 唔怕熱, 唔怕焗, 唔怕污漕同唔怕臭.. 咁你就可以enjoy一個廉價購物天堂啦..
大家約好左2:00pm 係大鐘下面等之後, 阿John 就自己一個去軍品區掃貨. 我, 阿Fung 同阿Tao 就係其他區睇吓野, 行吓行吓見到一間賣細小模型的鋪頭 (買微型食物, 食具嗰啲呢…) 足足"簡" 左20分鐘先走, 之後買左少少無謂嘢咁囉... 由於受Cindy 同Leona 所托, 要去買牛仔褲同Mickey T-shirt 所以大部分時間都係係賣衫嗰區停留,Cindy 要Second -Hand 嘅Big “E” Levis, Big "E"係就係有好多呀! 但唔知有冇佢要嘅Size啫(36 喎)..最後係一間到買左三條Second-Hand Levis, 平均每條1100 baht (HKD 220) . 我唔係傻仔, 我知唔洗咁貴, 佢地賺一倍都唔止, 但係對我地來講, 覺得值同鍾意咪OK 囉.. 唔同佢講咁多啦.. 由於地方淺窄,試褲嗰時都係兩個人一人拉一邊遮住算數,阿Fung個衰仔係我換嗰時攞部相機出來拍Video喎 ..頂..xyz#%*#@ !! 到佢試嗰時我咪影返佢囉 ! 買褲嗰時先至12:50pm, 正係度惆悵緊仲要等成個鐘的時候, 阿John 打來問我地得未..原來條傻仔睇錯香港時間(泰國慢香港一個鐘).. 咁咪早d去大鐘到揾佢囉.. 行去大鐘時仲見到香港的 "姚嘉利" 同佢老公, "姚嘉利" 著住件Bikini 係入面, 出面係 “See through”.. Wah ~~ ( 阿John 之前先講起佢, 點知就係泰國撞到佢啦)
去到大鐘, 見到阿John 已經坐左係度, 原來佢今次無咩啱心水嘅野, 好多想買的都無. 所以先咁快行完. 阿Fung 本來都想係下昼行吓軍品區,但我地三個都想走, 咁我地就陪佢係咁二行左其中兩行就搭BTS 走lu
Siam Paragon
我地搭BTS 去Siam 站,嗰到係大型商場的集中營, 有排你行, 我地決定去全亞洲最大的Shopping mall –Siam Paragon 食Tea 兼 shopping, 裡面的確係好大,連個Food Court 都大過人, 好夠氣派, 但就唔係好啱我地行啦, 買的都係一般係香港見到的名牌子, 買嘢仲要俾tax 喎… 由於女朋友仔叫我揾Levis, 所以我都走去Levis counter 問吓, 好可惜佢地都話無呢個型號, 可能太新卦?????.. Converse 又係正價貨, 無Sale 咁就即係無"數"啦, 所以都只係行左個圈就"鬆人"囉..
銀器市場, Big C, 阿John 的鬼計 (3:00pm)
記得上一次來泰國係銀器市場買左好多介子..平嘛!!, 大約係香港的60%左右啦, 今次再去, 發覺賣銀的鋪頭少左好多, 但係最大嗰幾間都仲係度, 諗住買返d做手信啦.. 入去一睇.."小姐你嗰價錢好似寫錯左喎!!…嘩.. 貴左成倍有多? 我無睇錯呀.. 真係物價高漲喎!!! 賺唔少啦" 貴左都算啦, 仲無得講價.. 咁我咪唔買囉.. 阿John 同阿Fung 就買左啲嘅, 阿Tao 就唔知佢有冇買啦~
之後係Big C 行左一陣,Big C 係一間大型超市, 賣晒所有生活所需嘅嘢, 好似香港以前的家樂褔咁囉. 由於外面天氣實在太熱啦, 我地係Big C 個 Food Court 坐低飲杯嘢休息吓, 係嗰Food Court 買野要去個Counter 睇啱左你買嘅嘢, 計左個價錢後, 再去Cashier 到買張等同價值的咭先可以返Counter 到拎嘢食.. 都有d煩呀~~ 食Tea 期間, 阿John 提議去隔來的 Aroma Hotel 到扮客人,叫個reception 幫我地翻譯啲英文地址做泰文地址, 咁就唔洗煩啦 (本來想叫我地間酒店個reception 幫我地譯, 但佢地真係實在太豬啦.. 所以都係咪啦.. 一個唔覺意譯錯左,架的士車左我地唔知去邊咪死?) . 入到去之後阿John行去扮搭lift, 行到一半就調頭行去reception 到問人.. 個場面都幾攪笑.. 奸計得逞後就沖沖離開, 撘左80 baht 的士返酒店放低啲嘢先再搏殺~
¶ 1:37 PM
11 Jun 06 (7:00am)
今日倒塔咁早就要起身, 無法啦.. 今日係阿John 的主打項目嘛---"登登.. ChaTuChak" , 條友仔驚行唔晒, 諗住早啲坐車返曼谷囉.. 7:00am 左右, 架Van仔已經係酒店門口等緊我地啦.. 個司機同我地講佢要趕住去機場接個客, 所以會開快少少, 但唔洗擔心, 保證安全. . 我坐係車最後個排, 阿Tao 就中間, Fung仔同阿John 坐最頭.. 太眼瞓啦, 所以無幾耐我就瞓左, 但係架車好Q"登", 唔係瞓得咁好.. 無幾耐.. 阿John 就叫醒我, 睇睇錶,.. 嘩.. 8:30am 已經返到酒店啦.. (之前入芭提雅兩個鐘都叫快啦..今次只係個半鐘.. 厲害!) 返到Royal Park View 放低d行李,休息左一陣就搭BTS 去ChaTuChak 掃貨囉.. 哈哈.. 係酒店問個reception 點去撘BTS , 佢就話出左酒店轉左,我地出到去一睇.. 喂!! 大佬, BTS 條架空路軌係右邊喎.. 唉….心諗: "下次都係唔住呢間酒店啦" (順帶一提, 我地係由 Phrom Phong 站 到 Mo Chit 站 (無恥站? -_- ?) ..
由於我地去的時侯正係泰王登基六十週年, 所以成國的人都著左黃色的衫來慶祝, 感覺有d怪怪地..
阿John都係街買左個襟章來賀一賀泰王…
ChaTuChak Weekend Market (JJ Market)
ChaTuChak 係由廿幾個鐵皮屋區組成的market, 只係星期六日先開, 好似香港的大笪地咁.夠你行足一日,但必要嘅條件係你要 唔怕熱, 唔怕焗, 唔怕污漕同唔怕臭.. 咁你就可以enjoy一個廉價購物天堂啦..
大家約好左2:00pm 係大鐘下面等之後, 阿John 就自己一個去軍品區掃貨. 我, 阿Fung 同阿Tao 就係其他區睇吓野, 行吓行吓見到一間賣細小模型的鋪頭 (買微型食物, 食具嗰啲呢…) 足足"簡" 左20分鐘先走, 之後買左少少無謂嘢咁囉... 由於受Cindy 同Leona 所托, 要去買牛仔褲同Mickey T-shirt 所以大部分時間都係係賣衫嗰區停留,Cindy 要Second -Hand 嘅Big “E” Levis, Big "E"係就係有好多呀! 但唔知有冇佢要嘅Size啫(36 喎)..最後係一間到買左三條Second-Hand Levis, 平均每條1100 baht (HKD 220) . 我唔係傻仔, 我知唔洗咁貴, 佢地賺一倍都唔止, 但係對我地來講, 覺得值同鍾意咪OK 囉.. 唔同佢講咁多啦.. 由於地方淺窄,試褲嗰時都係兩個人一人拉一邊遮住算數,阿Fung個衰仔係我換嗰時攞部相機出來拍Video喎 ..頂..xyz#%*#@ !! 到佢試嗰時我咪影返佢囉 ! 買褲嗰時先至12:50pm, 正係度惆悵緊仲要等成個鐘的時候, 阿John 打來問我地得未..原來條傻仔睇錯香港時間(泰國慢香港一個鐘).. 咁咪早d去大鐘到揾佢囉.. 行去大鐘時仲見到香港的 "姚嘉利" 同佢老公, "姚嘉利" 著住件Bikini 係入面, 出面係 “See through”.. Wah ~~ ( 阿John 之前先講起佢, 點知就係泰國撞到佢啦)
去到大鐘, 見到阿John 已經坐左係度, 原來佢今次無咩啱心水嘅野, 好多想買的都無. 所以先咁快行完. 阿Fung 本來都想係下昼行吓軍品區,但我地三個都想走, 咁我地就陪佢係咁二行左其中兩行就搭BTS 走lu
Siam Paragon
我地搭BTS 去Siam 站,嗰到係大型商場的集中營, 有排你行, 我地決定去全亞洲最大的Shopping mall –Siam Paragon 食Tea 兼 shopping, 裡面的確係好大,連個Food Court 都大過人, 好夠氣派, 但就唔係好啱我地行啦, 買的都係一般係香港見到的名牌子, 買嘢仲要俾tax 喎… 由於女朋友仔叫我揾Levis, 所以我都走去Levis counter 問吓, 好可惜佢地都話無呢個型號, 可能太新卦?????.. Converse 又係正價貨, 無Sale 咁就即係無"數"啦, 所以都只係行左個圈就"鬆人"囉..
銀器市場, Big C, 阿John 的鬼計 (3:00pm)
記得上一次來泰國係銀器市場買左好多介子..平嘛!!, 大約係香港的60%左右啦, 今次再去, 發覺賣銀的鋪頭少左好多, 但係最大嗰幾間都仲係度, 諗住買返d做手信啦.. 入去一睇.."小姐你嗰價錢好似寫錯左喎!!…嘩.. 貴左成倍有多? 我無睇錯呀.. 真係物價高漲喎!!! 賺唔少啦" 貴左都算啦, 仲無得講價.. 咁我咪唔買囉.. 阿John 同阿Fung 就買左啲嘅, 阿Tao 就唔知佢有冇買啦~
之後係Big C 行左一陣,Big C 係一間大型超市, 賣晒所有生活所需嘅嘢, 好似香港以前的家樂褔咁囉. 由於外面天氣實在太熱啦, 我地係Big C 個 Food Court 坐低飲杯嘢休息吓, 係嗰Food Court 買野要去個Counter 睇啱左你買嘅嘢, 計左個價錢後, 再去Cashier 到買張等同價值的咭先可以返Counter 到拎嘢食.. 都有d煩呀~~ 食Tea 期間, 阿John 提議去隔來的 Aroma Hotel 到扮客人,叫個reception 幫我地翻譯啲英文地址做泰文地址, 咁就唔洗煩啦 (本來想叫我地間酒店個reception 幫我地譯, 但佢地真係實在太豬啦.. 所以都係咪啦.. 一個唔覺意譯錯左,架的士車左我地唔知去邊咪死?) . 入到去之後阿John行去扮搭lift, 行到一半就調頭行去reception 到問人.. 個場面都幾攪笑.. 奸計得逞後就沖沖離開, 撘左80 baht 的士返酒店放低啲嘢先再搏殺~
¶ 1:37 PM
