游泳樂 (天氣酷熱) 時: 17 Jun 06, 3:00pm地: 淺水灣人: Peter, Fung, Lung, Tao, Leona, Tammy, Cindy, 汶汶, 阿Yan天晴, 陽光普照..同埋個熱字囉
一早約左女友仔, 阿Fung 同 阿 Yan 1:00pm 係荃灣等. 食完米線 (間米線長期多人排隊, 係千色店附近, 住荃灣的一定知, 大碗又好食!) 搭MTR 去銅鑼灣再轉巴入去. 入到去都4:00pm 啦.. 之後阿Lung, Man Man 同 阿Tao 10 分鐘後到. Cindy 係二號"月台"附近揾到棵大樹俾我地遮蔭, 隻艇bump 左20 分鐘左右就攪掂.. 之後就推左阿 Lung, 汶汶同 Leona 出浮台. 我諗呢次係 汶汶同 Leona 第一次出浮台.. 唔知佢地有咩感覺呢? .. 阿Yan 就留係沙灘上睇雜誌同看吓野咁囉 (乾煎 !!) ... 中場休息的時侯, 我, Leona, 阿Yan 同 Fung 仔走去惠康買雪條同百福豆腐花食..(呢次係我第一次赤裸上身走入超市, 都有d唔好意思呀!) 阿Fung 個衰仔又唔帶褲,又話唔落水, 最後咪又係走左去買條褲 ..我呸~~ 口食雪條時, 眼都食吓冰淇淋.. 話時話, 鬼妹著三點色的確著得幾好睇.. 唔係話佢地身材好..(um .. 咁身材又的確係個main point 呀!!).. 而係佢地著到一種健康活力的感覺.. 男的就只要有d線條著條滑浪褲就好好睇.. 唔係吓吓都要出三角褲嘅~ 玩到7:00pm 沖完身就撘小巴出返銅鑼灣福苑打邊爐..我都唔可以想信一間食市係世界盃期間唔裝返部電視.. 不過d野食都OK .. 每位盛惠 $120 送完女友仔返屋企後自己就孤身搭小巴返入屯門…成個人散左~ P.S. 新泳衣好靚, 好襯你, 著得好好睇~ Good Good !!