夜景篇今日係星期六, 但係都要一早起身..無計啦. 今日係一年一度嘅stock take.. 9:00am 去到葵芳, 之後入咗ATL, 一點就點咗成大半日, 3:00pm 先鬆人.. 唉..... 可以補返一日假...都好啦!!!夜晚約咗Leona, Cindy 同Wendy 食飯同影相.. Wendy 一早上咗Cindy 屋企同小白玩, 我同Leona 就6:30pm 左右先上到去.. 要影小白真係唔簡單, 一"噤"掣, 紅燈一著,小白就拎開頭啦.. 影咗半個鐘都影唔到咩, 咁我地就去咗屯門碼頭食飯啦..食飽飽就去咗深井嘉頓, 去到先發現新起咗個海濱公園.. 對住青馬大橋..都幾正喎!! 阿Fung 仲靜靜雞係荃灣走埋過來影咗一個鐘就轉戰 "機場核心計劃展覽中心" [好似係呢個名....(-_-") ] .. 今次又係影橋.. 大家睇吓.....玩到11:30pm 就送Leona 返屋企先 ( 佢有啲唔舒服....好擔心!) ..本來之後係送Wendy返沙田 , 但阿Fung 咁啱打來話食宵夜..咁我地就四條友去咗香車街大排檔食吓嘢, 玩吓相機.. 仲係咁影"淺景深" tim.... 睇來今次大家都幾enjoy .. 下次可以再玩過囉~~山頂, 尖沙咀, 動植物公園, 金鐘鬧市, 白泥, 石板街, 北角碼頭,.. ???? 邊到好呢?